Baina zer esan, merezi izan du. Kanpotar ugari dabil inguruotan. Izan ere, harrigarria da zenbat ekintza kultural eta sozialak antolatzen diren; oraindik sartu berriak gara baina airean sumatzen da aktibidade eta aukera handiak daudela hemen. Bestalde, merkatu izugarri haundi bat du, non bertan denetik aurki daitekeen; momentuko frutak, berdurak, espezieak, arraina, haragia, fruitu lehorrak, erropa, sukalderako ontziak, zapatak... Guk orain arte egunero egin dugu bertatik goiz-buelta, merkatuko txoko ezberdinetatik barrena. Fruta berri bat dastatzeko aukera ere izan dugu.
Momentu honetan, "Pura Bici" izeneko hostalean gaude alojatuta. Batez ere, bizikletaz bidaiatzen duen jendearentzako da. Lehen gaua dohainik da eta gainontzekoetan beheraldi txiki bat egiten dute. Pozgarria da guretzat horrelako aukerak aurkitzea.
Honek jende gehiago ezagutzeko aukera ematen digu, esperientziak partekatuz, dudak konpartituz... Horien artean ezagutu ditugu: Sidney (mutil gazte suitzarra, Argentinako Patagoniatik honaino pedaleatu duena), beste mutil ingeles bat, (lau urte darama bizikleta gainean), bi mutil argentinar, sukaldean elkarrizketa politak konpartitu ditugunak mate edanez... Gainera, gure lagun Voitek ere berriz ikusteko aukera izan dugu, iada hirugarren aldia.
Hostalaz gain, tailer bat ere badute bizikletak konpontzeko eta bizikleten mantenuaren inguruan tailerrak ematen dituzte. Bertako arduraduna ezagutu genuen lehenengo momentutik hostelean eta iada hasi da gure bizikletak checkeatzen, alegia, berriro puntuan jartzen. Lehenengo begiradako diagnostikoa: zikinak daude engranajeak... noski, Cuba eta Yucatan osoko hauts eta lokatzen astuna gurekin itsatsita ekarri baitugu.
Pozik gaude, oso pozik. Hori da garrantzitsuena.
1 iruzkin:
Kaixo Tailandiatik. Esan beharra daukat blog ederra daukazutela, eta argazkiak zer esanik ez. Pozten gara gure topaketa zuei azken bultzada emateko balio izana.
Labana eman genizuenak gara. Ondo izan eta ez geratu.
Argitaratu iruzkina